Espainiar organugintza barrokoaren maisulantzat hartzen da. Oñatiko Lorenzo Arrazola organogileak egin zuen. Juan Antonio Maíz eta Joaquín Antonio Berasategui eskultore eta taillatzaileek egin zuten kutxa, aipatutako organogileak ezarritako trazari jarraituta.  Vellón-eko 12.000 erreal kostatu zen. Fatxadako idazkunak hau dio: 'LAUDATE DNM. IN TIMPANO & CORO LAUDATE EUM IN CORDIS & ORGANO'.

Jose Mª Arrizabalagak zaharberritu zuen, 1996an. Eskuzko teklatu bakar bat du, 45 notakoa, zortzidun laburra duena (C-c´´´), eta pedalezko kontrak dituen beste bat (C-H). 35 erregistro erdi ditu: 15 baxuentzat eta 20 tipleentzat. Organoaren tenperamentua Herbert Anton Kellner-ek berreraikitako Bach-en gozatze ondo tenperatuan oinarrituta dago. Azpimarratu behar da Oihartzunak txirulaz izeneko erregistro bat dagoela. Erregistro horrek aurrerago izandako eboluzioaren ondorioz organo erromantikoen espresio-kutxa bihurtu zena bezala funtzionatzen du.