Interes handiko organoa da. Soinu-ezaugarri bereziak ditu, eta azpimarragarria da espresio-errezitatiboan jarritako tronpeteria ugaria. 1911n Fernand Prince-k organo handiaren Lleno deritzona Violón 13 batekin ordezkatu zuen. Calvano-Bernalek zaharberritu zuen 1976an, eta beranduago Michel Jurine-k berriz, kontu handiz; azken zaharberritze-prozesu hori 2007an amaitu zen. Eskuzko bi teklatu ditu, 56 notakoak, eta pedalezko teklatu bat, 30 notakoa; guztira 18 erregistro ditu. Eskualde horretan teklatuak zabalduta dituen lehen Cavaillé-Coll organoetako bat da.
